Kalurahan Putat

Lembu Ami Joyo

=

Samangke to Kisanak ingkang nembe rawuh, ingsun ngaturaken sugeng rawuhipun Kisanak wonten Praja Kediri.

Suro Pramaja

=

Ha-ha. Dados leres, menika Praja Kediri? Awit panges dalem, wilujeng sowan kula.

Lembu Ami Joyo

=

Dereng asoo napas, asat riwe, ingsun anila krami. Asma sinten lan wingking pundi pinangka, Kisanak?

Suro Pramaja

=

Menawi Dewaji mundut priksa datang jazat kawula. Awon tanpa rupi, gelap ingkang den westani. Nami kula Patih Suro Pramaja, saking Praja Bantarangin dene ratu gusti kula, Prabu Klono Sewandono, makaten Dewaji.

Lembu Ami Joyo

=

Dados asma panjenengan Patih Suro Pramaja saking Praja Bantarangin, Kisanak?

Suro Pramaja

=

Kawula nuk non mekaten, Dewaji.

Lembu Ami Joyo

=

Ingsun mundut priksa, wonten wigatos punapa, Kisanak?

Suro Pramaja

=

Punapa sampun kepareng matur, Dewaji?

Lembu Ami Joyo

=

Sumangga, matur ingkang trawaca.

Suro Pramaja

=

Tuni lepat atur kula, tinebihno tulak kelawan sarik. Sowan kula dipun utus ratu gusti kula, Prabu Klono Sewandono supados ngebun-ebun enjang jejawah sonten. Ingkang kula bun-bun enjang jejawah sonten sanes putra mantri, bupati, bedoyo miwah sarimpi, kejawi putra Sang Prabu, inggih Dewi Sekar Taji bade jinatu krama kalian ratu gusti kawula inggih Sang Prabu Klono Sewandano. Menawi Dewaji mundut bebono keci makece, guru bakal, guru dadi, sak gedong picis rojo brono Praja Bantarangin sampun sumadya, Dejawi.

Lembu Ami Joyo

=

Duh Kisanak Suro Pramaja. Sampun dadosaken sekeling penggalih, awit rawuhipun Kisanak dawah kantun.

Suro Pramaja

=

Dados panglamar kula mboten dipun tampi, Dewaji?

Lembu Ami Joyo

=

Mila mekaten, Kisanak.

Suro Pramaja

=

Dewaji, kula utusaning ratu, mboten namung duta kengkenan. Nanging duta ngrampungi, Dewaji.

Lembu Ami Joyo

=

Sumangga kersanipun, Kisanak.

Suro Pramaja

=

Dewaji, kula aturi ndawuhaken dateng para najaka praja, pasang jogang ingkang lebet benteng ingkang inggil pasang burang kapurancang, nedya kula damel susang buana balik Praja Kediri.

Braja Noto

=

Ha Kisanak, Suro Pramaja, swaramu datan bisa riwungu ing talingan.

Suro Pramaja

=

He Raden, apa sira kang bakal maringake Dewi Sekar Taji?

Braja Noto

=

Tak wenehake nanging dudu kene papane. Metua jaba, tunggunen ana alun-alun mengko tak tungka lakumu, Suro Pramaja.

Suro Pramaja

=

Babo, aja nyulayani janji, Braja Noto. Dewaji, kepareng nyuwun pamit medal jawi.

Lembu Ami Joyo

=

Sumangga, Kisanak.

Braja Noto

=

Duh Paman Prabu, nyuwun pangapunten.

Lembu Ami Joyo

=

Ora dadi apa, Kulup. Nanging dugo prayogo padha digawa, Kulup. Sira melua njaga kasugengane Nini Sekar Taji, Kulup!

Braja Noto

=

Kasinggihan, Paman.

Lembu Ami Joyo

=

He Guntur Segoro lan Guntur Sari, barang anggonmu bantu Kulup Braja Noto.

G. Segoro + G. Sari

=

Sendiko, Sinuwun.

Lembu Ami Joyo

=

Paman Patih Kudo Tilarso, tunggua ana sajro bangsal. Ingsun nemoni Nini Sekar Taji.

Kudo Tilarso

=

Sendiko, Sinuwun.